આકસ્મિક ચેકીંગ દરમિયાન ૨ કરોડ ૪૦ લાખનો મુદ્દામાલ સિઝ કરાયો
બિનઅધિકૃત રેતીનું વહન કરતાં ૧૦ ટ્રકોને અટક કરી કાયદેસરની કાર્યવાહી હાથ ધરાઇ
ભરૂચઃ ગુરૂવાર- ભુસ્તરશાસ્ત્રીશ્રી ભરૂચના માર્ગદર્શન હેઠળ ભરૂચ જિલ્લામાં ડમપરો દ્વારા ખનીજના બિનઅધિકૃત વહન અટકાવવા સારું ખાણ ખનીજની તપાસણી ટીમ ધ્વારા તા. ૧૮-૧૯/૧૨/૨૦૨૪ ના રોજ રાત-દિવસ આકસ્મિક વાહન ચેકીંગ કરતાં મોજે- રાજપારડી, નેત્રંગ, ઝગડીયા, શુકલતીર્થ અને દહેજ રોડ ખાતેથી સાદીરેતી, બ્લેકટ્રેપ તથા કાર્બોશેલ જેવા ખનીજનું બિનઅધિકૃત વહન કરતાં કુલ-૧૦ (દશ) ટ્રકોને અટક કરી કુલ-૨ કરોડ અને ૪૦ લાખનો મુદ્દામાલ સિઝ કરી કાયદેસરની કાર્યવાહી હાથ કરવામાં આવેલ છે. ઉલ્લેખનીય છે કે ચાલુ નાણાકીય વર્ષ દરમિયાન ખાણ ખનીજ વિભાગ ભરૂચ દ્વારા ખનીજના બિનઅધિકૃત ખનન, વહન અને સંગ્રહ અંગેના ૨૪૮ કુલ કેસો કરી રકમ રૂ ૫૧૩.૫૨ લાખની વસુલાત કરવામાં આવેલ છે. તેમજ ખાણખનીજ વિભાગને મળતી રજૂઆતો અન્વયે સ્થળતપાસ હાથ ધરી કાયદેસરની કાર્યવાહી કરવામાં આવતી હોય છે.
0 
0 
