0 
0
=પાનોલી પોલીસે , રૂ.19 લાખની કિંમતનો દારૂનો જથ્થો જપ્ત કર્યો
= ગોડાઉન માલિકની લાપરવાહીનો ફાયદો ઉઠાવી અજાણ્યા ઈસમે વિદેશી દારૂનો જથ્થો ઉતાર્યો
અંકલેશ્વર ની પાનોલી જી.આઈ.ડી.સી.માં આવેલ કામધેનું એસ્ટેટ-૨માં ગોડાઉન માલિકની લાપરવાહીનો ફાયદો ઉઠાવી અજાણ્ય ઈસમે વિદેશી દારૂનો જથ્થો ઉતાર્યો હતો જયારે પાનોલી પોલીસે રૂપિયા ૧૯ લાખનો જથ્થો કબ્જે કરી વધુ તપાસ હાથ ધરી છે.
પાનોલી પોલીસ મથકનો સ્ટાફ પેટ્રોલીંગમાં હતો તે દરમ્યાન કામધેનું એસ્ટેટ-૨માં પ્લોટ નંબર-ઈ-૧૯માં આવેલ ગોડાઉનમાં શંકાસ્પદ બોક્ષ પડેલ હોવાની માહિતી મળી હતી છે.જે માહિતી ના આધારે પાનોલી પોલીસે દરોડા પાડ્યા હતા પોલીસે ગોડાઉનના માલિક વિનય શર્માને સાથે રાખી અંદર તપાસ કરતા તેમાંથી વિદેશી દારૂ નો મોટો જથ્થો મળી આવ્યો હતો. પોલીસે ગોડાઉન માંથી રૂપિયા ૧૯ લાખનો વિદેશીદારૂ નો જથ્થો કબ્જે કરી તપાસ હાથ ધરી છે.
અત્રે ઉલ્લેખનીય છે કે ગોડાઉન માલિક ગોડાઉનનું તાળું નહિ લગાવતા હોવાથી અજાણ્યો ઇસમ વિદેશી દારૂનો જથ્થો ઉતાર્યા બાદ ગોડાઉનને તાળું લગાવી જતો રહ્યો હોવાથી વિનય શર્માને શક જતા તેઓએ ગેટની બાજુની ઓફીસ ઉપરથી અંદર જોતા ઘણા બોક્ષ પડ્યા હોવાથી પોલીસને જાણ કરતા બુટલેગરોએ દારૂનો જથ્થો ઉતારવા માટે માલિકની જાણ બહાર ગોડાઉનનો ઉપયોગ કર્યો હોવાનું બહાર આવ્યું હતું.
જોકે ગોડાઉન માલિકની જાણ બહાર જ વિદેશી દારૂનો આટલો મોટો જથ્થો અજાણ્યા ઇસમો કેવી રીતે સંતાડી ગયા તે બાબતે પણ પાનોલી પોલીસ તપાસ ચલાવી રહી છે.
